Eit tilbakeblikk

Det var 16 mann i koret, og den første dirigenten var lærar i bygda Alf Rosenlundfrå Davik. Koret song for første gong då ungdomshusetLeikvang vart innvigd same hausten. Det var i Leikvang Palmerevyen var unnfanga 35 år seinare, i 1960

Seinare tok lærar og klokkar Olav Tveit over taktstokken fram til 1956. Frå 1960 til 1987 var Odd Njøs dirigent. I dag svingar Jon Skjeldestad frå Sogndal taktstokken over Leikanger Mannskor.

I føremålsparagrafen til koret heiter det at koret skal ”freista å vekkja sansen for god song så langt ein rekk ved øvingar og song i lag og lyd til hugnad for laget sjølv og for andre. Songlaget skal heller ikkje leggja seg bort i politisk strid eller noko slag av kulturell strid. Heller ikkje skal lagsmedlemene i songlaget leggja seg bort i bygdestrid”.

Koret kravde streng disiplin og i lovene for koret heitte det at ”Alle lagslemer i songlaget må setje si ære i å syna høvisk framferd, så laget ikkje får noko uord på seg i så måte. Særleg må alle vaka over god orden når laget skal syngja for andre, anten i eller utanfor bygdi. Dersom nokon bryt desse reglar for god orden, kan styret syna han bort frå laget. Til øvingane skal alle møta fram til den tid som er fastsett. Ingen må vere borte frå øvingane utan at andre ting krev det. Tobaksrøyking i øvingsrommet er forbode.”